Calor abafante en Compostela

A tarde foi abafante en Compostela, mais con todo combinamos para as 16:00 (toliñ@s estes portugueses!). E, intentando protexernos do sol e de paso recibir unha dose cultural fomos ao Museo do Pobo galego. Alí vimos as embarcacións tradicionais do país, os aparellos agrícolas tradicionais, as escaleiras en espiral...

Ao sairmos do Museo fomos descansar un bocadiño no parque de San Domingos, que ten sombras moi gorentosas en días como o de hoxe.

Logo tomamos algo fresquiño nun delicioso xardín dun Hotel da zona vella.

Rematamos a xornada nas Rúas do Vilar e Nova, as máis senlleiras da cidade, co permiso da do Franco.